சோழ முத்தரையர்
Nov 22, 2025
"சோழர் பட்டம் கொண்ட முத்தரையர்கள்"
தமிழகத்தில் நாமக்கல் மாவட்டம் எருமைப்பட்டி ஒன்றிய பகுதியில் வசிக்கும் "முத்துராஜ குல முத்தரையர்களில்" குறிப்பிட்ட ஓர் பங்காளி பிரிவினர்கள் "சோழராசா" என்ற கூட்டப் பெயர் கொண்டவர்களாக இருக்கின்றனர். காலம் காலமாக இந்த வகையராவினர்கள் "சோழராசா மற்றும் சோழன்" என்ற பட்டம் தாங்கியவர்களாக உள்ளனர்.
இந்த "சோழராசா" என்ற பட்டம் தாங்கிய கூட்டத்தினர்கள் முன்னொரு காலத்தில் இன்றைய திருச்சிராப்பள்ளி மாவட்டத்தில் அமைந்துள்ள அன்றைய முற்கால சோழர்களின் தலைநகரான உறையூரில் இருந்து இடம் பெயர்ந்தவர்கள் ஆவார்கள். ஆயிரம் வருடங்களுக்கு முன்பு முதலில் உறையூரில் இருந்து இடம் பெயர்ந்து இன்றைய முசிறி பகுதிக்கு குடிபெயர்ந்து பின்பு அங்கிருந்து பல்வேறு குழுக்கலாக திருச்சி,நாமக்கல்,கரூர் மாவட்ட பகுதிகளுக்கும் இடம் பெயர்ந்துள்ளனர்.
மிக முக்கியமாக இவர்களின் குலதெய்வமே ஒரு சோழ மன்னர் ஆவார் ஆம் இவர்களின் குல தெய்வத்தின் பெயர் "சோழராசா" ஆகும். தன் மூதாதயரான முப்பாட்டன் "சோழ மன்னரையே" தங்கள் குல தெய்வமாக கொண்டுள்ளனர்.
உறையூரை ஆட்சி செய்து கொண்டிருந்த முற்காலச் சோழர்கள் வீழ்சியினால் பல்வேறு குழுக்கலாக பல்வேறு பகுதிகளுக்கு உறையூரில் இருந்து இடம் பெயர்ந்தனர் அவ்வாறு இடம் பெயர்ந்த ஓர் முற்கால சோழ அரச மரபினரே இந்த "சோழராசா கூட்டத்தினர்கள்"
இவர்களது குலத்தெய்வக் கோவில் தற்போது முசிறி அருகே இருந்தாலும் இவர்கள் தங்களது தாய் கோவில் உறையூரில் தான் உள்ளது என்று குறிப்பிடுகின்றனர் ஆனால் நீண்ட நெடுங்காலமாக இவர்களின் முன்னோர்கள் உறையூர் கோவிலுக்கு செல்லாததால் தற்போது உறையூரில் இருந்ததாக கருதப்பட்ட கோவில் தற்போது கண்டுபிடிக்க முடியவிள்ளை.
(குறிப்பு: புகைப்படத்தில் உள்ள பத்திரம் நாமக்கல் மாவட்டம் எருமைப்பட்டி ஒன்றியத்தை சேர்ந்த "பெரிய சோழ முத்திரியன்" அவர்களுக்கு 1932-ஆம் ஆண்டு எழுதப்பட்டுள்ள இப்பத்திரத்தில் தன் பெயருடன் சோழன் என்ற தன் பட்டத்தை அவர் குறிப்பிட்டு அடையாளப்படுத்தி உள்ளனர்)
விரைவில் சோழராசா கோவில் பற்றி அடுத்தப் பதிவு...
பத்திரப் புகைப்பட உதவி : கந்தன் முத்தரையர்
இவன் : மதுரை மகேஷ் முத்தரையர்
(முத்தரையர் சமுதாய வரலாறு மற்றும் பண்பாட்டு ஆய்வுக்களம்,தமிழ்நாடு)
