முத்தரையர் வரலாற்றில்....
Nov 23, 2025
மூவர் கோயில் சமஸ்கிருதக் கல்வெட்டு பூதி என்பான் பல போர்களில் ஈடுபட்டு விக்ரமகேசரி எனும் விருதுப்பெயரைப் பெற்றான் என்று கூறுகிறது இவன் சோழ இளவரசியை மணந்த சமராபிராமன் மகன் என்றும் கூறுகிறது
இவருக்கு தென்னவன் இளங்கோவேள் மறவன் பூதி என்ற பெயரும் உண்டு
மறவன் என்ற சொல்லுக்கு சமஸ்கிருத பெயர் சமராபிராமன் என்பதாகும் சமர் - எனும் சொல்லுக்கு "போர்" எனும் பொருள் உண்டு மறம் என்பதும் தமிழில் போரைக் குறிக்கும் சொல்லேயாகும் ஆகையால் மறவன் என்பதன் சமஸ்கிருத வடிவம் சமராபிராமன் என்பதாகும்
கல்வெட்டுகளில் தந்தை பெயரை தொடர்ந்தே இயற்பெயர் எழுதுதல் வழக்கமாதலால் மறவன் பூதி என்பவன் விடேல்விடுகு இளங்கோ வேள் சாத்தன் மறவன் மகன் என்று தெரியவருகிறது
மாற்பிடுகு இளங்கோ வேள் சாத்தன்
விடேல்விடுகு இளங்கோ வேள் மறவன்
தென்னவன் இளங்கோ வேள் பூதி
செம்பிய இருக்கு வேள் பாராந்தன்
விடேல்விடுகு இளங்கோ வேள் சாத்தன் மறவன் மனைவி முத்தரையர் இளவரசி பூதி அறிஞ்சிகை என்று திருக்கோயிலூர் திருவெற்றியூர் கல்வெட்டு கூறுகிறது
இந்த பூதி அறிஞ்சிகை விடேல்விடுகு முத்தரையர் மகன் பூதி இளங்கோ அதியரையன் மகள் ஆவாள் இவனே விஜயாலய சோழிஸ்வரம் கோயிலை கட்டியவன்
பூதி அறிஞ்சிகை க்கும் சாத்தன் மறவன் க்கும் பிறந்தவன் பூதி என்ற மறவன் பூதி , பூதி விக்கிரம கேசரி என்று தெரியவருகிறது மேலும் மூவர் கோயில் கல்வெட்டில் குறிப்பிடப்பட்டுள்ள சோழ இளவரசி அறிஞ்சிகை என்றும் அவள் விடேல்விடுகு முத்தரையர் பேத்தியும் விஜயாலய சோழிஸ்வரம் கோயிலை கட்டிய பூதி இளங்கோ அதியரையன் மகள் என்றும் தெரியவருகிறது
அறிஞ்சிகை தன் அப்பாவின் பெயரான பூதி என்பதையே தன் மகனுக்கும் மகளுக்கும் வைத்து உள்ளாள் என்ற உண்மையையும் தெரியவருகிறது
பூதி என்ற விக்கிரம கேசரி
பூதி மாதேவடிகள் ( விஜயாலய சோழன் பேரன் ஆதித்த சோழன் மகன் கண்ணர தேவன் மனைவி )
புதுக்கோட்டை மாவட்டம் மலம்பட்டி அருகே லிங்கமலை பகுதியில் முற்றிலும் இடிந்த நிலையிலுள்ள ஒரு சிவன் கோவில்! உறத்தூர் கூற்றத்து பிரம்மதேயத்தில் பூதிவிக்ரமகேசரி சதுர்வேதி மங்கலத்திற்கு உட்பட்ட அறிஞ்சிகை குளம் பராமரிப்பு தொடர்பான முதலாம் ராஜராஜர் கல்வெட்டு ஒன்று மூலம் அறியமுடிகிறது! ஏனைய கல்வெட்டுகள் உடைக்கப்பட்டு ஜல்லியாகிவிட்டது. நந்தி, பூதகனங்கள், விஷ்ணு சிற்பங்கள் சிதறி கிடக்கிறது அய்யனார் சிற்பமும் ஒன்றும் உள்ளது! இதுதவிர அரசகுடும்பத்தினர் வணங்கியதற்கு சிற்பமும் அங்கேயுள்ளது
கரூர் மாவட்டத்தில் உள்ள நங்கவரம் ஸ்ரீ சுந்தரேஸ்வரர் கோவில் சிவன் கோயிலில் உள்ள கல்வெட்டுகள் இவ் ஊரை நங்கை பிரம்மதேய அறிஞ்சிகை சதுர்வேதி மங்கலம் என்றும் சிவன் கோயிலை அறிஞ்சிகை கணவர் பெயரில் மறவன் ஈஸ்வரம் என்றும் வழங்குகிறது இந்த சிவன் கோயில் தல வரலாறு அறிஞ்சிகை சோழ இளவரசி என்று தெரிவிக்கிறது
இக்கோயிலுக்கு அருகில் உள்ள நங்கவரம் சுந்தராஜபெருமாள் கோயில் கல்வெட்டுகள் " அறிஞ்சிகை சதுர்வேதி மங்கலம் " என்றும் " அறிந்திகை சதுர்வேதி மங்கலம் " என்றும் குறிப்பிடுகிறது
மேலும் இதே ஊரில் உள்ள இன்று சாத்தாயி அம்மன் என்று அழைக்கப்படும் கோயிலை பராந்தக சோழன் கல்வெட்டு " அறிஞ்சிகை சதுர்வேதி மங்கலத்து மாகாளத்துக் காளா பிடாரியான சாத்தனூர் நங்கை " என்று குறிப்பிடுகிறது
இதே பெயரில் பேரரசர் சுவரன் மாறன் பெரும்பிடுகு முத்தரையர் நியமத்தில் நியமத்து மாகாளத்துப் காளாபிடாரி என்று கோயிலை கட்டியதை செந்தலை கல்வெட்டு குறிப்பிடுகிறது என்பது குறிப்பிடத்தக்கது
சாத்தனூர் என்ற பெயர் அறிந்திகை ( அறிஞ்சிகை ) தாத்தா குவாவன் சாத்தன் விடேல்விடுகு முத்தரையர் பெயரில் அமைந்து இருக்கலாம்
இந்த பதிவு தனஞ்சயன் முகநூல் பக்கத்தில் இருந்து copy paste செய்துள்ளேன் அவரின் வரலாற்று பதிவுக்கு நன்றிகள் வாழ்த்துக்கள் வாழ்க வளமுடன்💐💐💐
