முத்தரையர் வரலாற்றில்....
Nov 27, 2025
முத்தரையர்கள் பொதுவாக பல்லவர் கீழ் குறுநில மன்னர்களாக இருந்து ஆட்சி செய்தவர்கள் என்று நாம் அறிந்ததே ஒட்டுமொத்த முத்தரைய மன்னர்களில் கோ இளங்கோ முத்தரையர் மட்டுமே எந்த ஒரு பேரரசுக்கு கீளும் ஆட்சி செய்யாமல் முத்தரையர் ஒரு தனி பேரரசாக ஆட்சி செய்தவர்
இவரின் நாடு திருச்சி தஞ்சை புதுக்கோட்டை அரியலூர் பழுவேட்டரையர் நாடு வரை இருந்து உள்ளது
இவர் விடேல்விடுகு முத்தரையர் குவாவன் சாத்தன் இளைய மகன் ஆவார் பூதி இளங்கோ அதியரையன், இளவரசி சாத்தங்காளி, இளவரசர் பழியிலி இவர் உடன் பிறந்தவர்கள்
இவர் 20 வருடம் தன்னாட்சி புரிந்தவர் என்பதை இவர் கல்வெட்டுகள் மூலம் அறியமுடிகிறது இவர் பெயரில் 8 கல்வெட்டுகள் உள்ளன
மேலும் இவரை திருச்சோற்றுத்துறை கல்வெட்டு தென்னவன் இளங்கோ முத்தரையரான கண்டன் னோ .... பெருமான் மற்றும் உத்தமதானி என்றும் குறிப்பிடுகிறது
இளங்கோ முத்தரையர் பெயரில் சதுர்வேதி மங்கலம் ஊர்கள் வாய்க்கால்கள் இருந்ததை கல்வெட்டுகள் கூறுகின்றன
திருச்சி : -
ஸ்ரீகண்ட சதுர்வேதி மங்கலம்
ஸ்ரீகண்ட வாய்க்கால்
தஞ்சை : -
ஸ்ரீகண்ட வாய்க்கால்
ஸ்ரீகண்ட மங்கலம்
ஸ்ரீகண்டபுரம்
அரியலூர் : -
உத்தமதானி சதுர்வேதி மங்கலம்
உத்தமதானி
தஞ்சாவூர் மாவட்டம் பாபநாசம் வட்டத்தில் உத்தமதானபுரம் என்று ஊரும் இதே பாபநாசம் வட்டத்தில் உத்தானி என்ற ஊரும் உள்ளன மேலும் கும்பகோணம் வட்டத்தில் உத்தமதானி என்ற ஊரும் அமைந்துள்ளது
முத்தரையர்கள் வல்லம் நகர் தல புராணம் ஸ்ரீ கண்ட சோழன் அவன் மனைவி வல்லமா மகன் கால கண்டன் பற்றி கூறுகிறது சுந்தர சோழன் அன்பில் செப்பேடு குறிப்பிட்ட ஸ்ரீகண்ட சோழன் இளங்கோ முத்தரையர் என்று தெரியவருகிறது
இளங்கோ முத்தரையர் மகள் கண்டன் மாறம் பாவை மூன்றாம் நந்திவர்ம பல்லவன் மாறம் பாவை யை திருமணம் செய்து கொண்டான்
வீரக்கணம்பட்டி சிவன் கோயில் கல்வெட்டு பாண்டி முத்தரையன் அரட்ட அதியரையன் தாயார் பாண்டிபெருந்தேவி பாண்டி முத்தரையன் சோழிக அரையன் ( சோழ அரசன்) நினைவாக இக்கோயிலை எடுப்பித்துள்ளார்
இந்த கல்வெட்டு கூறும் பாண்டி முத்தரையன் சோழிக அரையன் ( சோழ அரசன் ) இளங்கோ முத்தரையராக இருக்க வேண்டும் இளங்கோ முத்தரையர் பாண்டியர் உடன் திருமண உறவு கொண்டு தன்னாட்சி செய்துள்ளார்
வல்லம் தல புராணம் ஸ்ரீ கண்டன் சோழன் மனைவி வல்லமா என்கிறது வல்லமா முதலாம் வரகுண பாண்டியன் மகளாகவும் ஸ்ரீமாற ஸ்ரீவல்லப பாண்டியன் சகோதரியாகவும் இருத்தல் வேண்டும்
இவர் பெயர்கள் : கோ இளங்கோ, தென்னவன், உத்தமதானி , பாண்டி முத்தரையன் சோழிக அரையன் , ஸ்ரீ கண்டன்
இவர் கட்டிய கோயில்கள் : கீழத்தானியம் உத்தமதனிசுரம் , கீரனூர் உத்தமநாதர் கோயில்
