முத்தரையர் வரலாற்றில்....
Nov 27, 2025
திருச்சி நன்னிமங்கலம் ஊரில் உள்ள மீனாட்சி சுந்தரேஸ்வரர் கோயிலில் உள்ள மூன்றாம் நந்திவர்ம பல்லவன் காலத்து நடுகல் கல்வெட்டு ஒன்று பராந்தக புரத்து அறிந்திகை ஈஸ்வரம் என்று இக்கோயிலை குறிப்பிடுகிறது
இக்கோவில் விஜயாலய சோழிஸ்வரம் கோயிலை கட்டிய மன்னர் பெருமான் பூதி இளங்கோ அதியரையன் மகள் அறிந்திகை கட்டிய கோயில் என்று தெரியவருகிறது
அறிந்திகை மன்னர் பெருமான் பூதி இளங்கோ அதியரையன் மகளும் விடேல்விடுகு முத்தரையர் குவாவன் சாத்தன் பேத்தியும் ஆவாள்
மேலும் இக்கோயிலுக்கு அருகிலேயே சாத்தமங்கலம் என்ற ஊர் உள்ளது சாத்தன் என்பது விடேல்விடுகு முத்தரையர் இயர் பெயர் ஆகும்
முக்காலம் தொடும் முத்தரையர் வரலாறு நூலில் அ .சவரிமுத்து அவர்கள் இவ்வாறு கூறுகிறார் 👇
திருச்சி மாவட்டம் இலால்குடி வட்டம் வடக்கு அய்யன் வாய்க்கால் கரையில் ஒரு சாத்தமங்கலம் உண்டு. அங்கு 'அரண்மனைக் கோட்டை மேடு' என்ற பகுதி என்ற ஒன்று அழிந்து கிடக்கக் காணலாம். அங்கு மறுகுடியிருப்புகள் ஏற்பட்டுவிட்டன. அது முத்தரையர் அரசன் சாத்தனின் தலைநகராக இருக்கலாம்.இங்கே புதைபொருள் ஆய்வு செய்தால் பல உண்மைகள் கிடைக்கும்.
மேலும் நந்திவர்மன் கல்வெட்டில் குறிப்பிடப்பட்டுள்ள பராந்தக புரம் ஊரும் விடேல்விடுகு முத்தரையர் பெயரில் அமைந்து இருக்கலாம்
தில்லை ஸ்தானம் வரகுணு பாண்டியன் கல்வெட்டில் கோன் பராந்தகன் என்ற பெயர் வருகிறது இந்த கோன் ( அரசர் ) பராந்தகன் விடேல்விடுகு முத்தரையராக இருக்கலாம்
முதலாம் வரகுண பாண்டியன் காலத்தில் முத்தரையர்கள் பாண்டியர் உடன் சேர்ந்து ஆட்சி செய்தார்கள் மேலும் வரகுணன் முத்தரையர்கள் நியமம் அரண்மனையில் இருந்து திருச்சிராப்பள்ளி மலைக்கோட்டை சிவன் குடைவரைக்கு தானம் வழங்கியதை ஒரு கல்வெட்டு கூறுகிறது
மேலும் வரகுணன் 10 , 11 ஆம் ஆண்டில் விடேல்விடுகு முத்தரையர் மகள் சாத்தங்காளி விடேல்விடுகு முத்தரையர் அடியான் கிடாவன் காந்தன் நிவந்தம் வைத்த கல்வெட்டும் இருக்கிறது
பதிவு தனஞ்சயன் முகநூல் பக்கம்
